FJALOR KUZHINE GERMA Q



FJALOR KUZHINE GERMA Q






QEBAP 
1. Mish i ndarë në copa të vogla dhe i pjekur në një hell të vogël e të hollë;
mish i grirë me qepë, me pak oriz e me erëza, që skuqet e pastaj mbështillet me
rizë dhjami dhe piqet në furrë.
2. Qofte me mish të grirë, të ngjeshur në trajtë të zgjatur, që piqet drejtpërdrejt
mbi zjarr.

QESHQEK  
Grurë i rrahur, i zier zakonisht me copa të vogla mishi dhe i përvëluar me gjalpë.
Qeshqek me gjalpë. Grurë qeshqeku.

QOFTE 
Mish i grirë, i përzier me qepë, me vezë e me erëza dhe i ngjeshur si petull a
si shkop i shkurtër, që piqet a skuqet; patate, patëllxhanë ose karota të ziera, të
grira, të përziera me vezë, djathë e erëza e të ngjeshura si petull, që skuqen me
vaj. Qofte të skarës. Qofte të furrës. Qofte me mish viçi. Qofte me patate (me
patëllxhanë). Qofte me qull (me kos). Mish për qofte.

QOFTERE 
Lloj qofteje e madhe, e gjerë dhe pak si e hollë.

QULLAC 
Qullash

QULLANIK 
1. Bukë e hollë që bëhet me miell misri të përvëluar me ujë të nxehtë ose të
trazuar me ujë të ftohtë.
2. Lakror me miell misri, që përvëlohet me ujë të nxehtë e përzihet me djathë a
me gjizë dhe me vaj.

QULLASH 
Lakror me petë të trasha, me presh ose me lakra dhe me oriz e vezë.




FJALOR KUZHINE


No comments:

Post a Comment