FJALORI BOTANIK GERMA N
NDAJGJETHËZ
Pjesë e vogël e një bime, që ka trajtën e një
fletëze a të një zgjatimi dhe që është e vendosur
aty ku zë fill gjethja.
NDËRGISHTE
Bimë barishtore shumëvjeçare me kërcell
të drejtë të mbuluar me push të hollë, me lule të
verdha në trajtë të gishtëzës dhe me gjethe të
zgjatura, nga të cilat nxirret një lëndë mjekuese.
NDJELLËS
Bar me të cilin ndjellim bletën, bar blete.
NDRYSHKULL
1. Bimë barishtore shumëvjeçare, që rritet
sidomos në toka djerre e shpate gëlqerore, me
kërcell deri gjysmë metri të gjatë, me lule të imëta
të mbledhura tufë, që lëshon një lëng si qumësht,
lloj qumështoreje.
2. Bimë barishtore shumëvjeçare, që rritet deri në
një metër e lartë, me lule të mëdha, të bardha në
të kuqe e me erë shumë të, mirë dhe që mbillet
për zbukurim.
NEJÇË
Bimë barishtore me kërcell nyja-nyja, me gjethe si
heshtë e me lule ngjyrë trëndafili a të
bardhëreme, që rritet zakonisht në vende të ulëta
e me lagështirë.
NEKTARMBAJTËS
Që mban nektarin; që prodhon nektarin.
NEKTAROR
Që ka të bëjë me nektarin;nektarit;
nektarmbajtës.
NENEXHIK
Mendër e butë, dhiozmë.
NENË
Bimë barishtore njëvjeçare, që mbin në ara e në
kopshte, me fara të imëta e të shumta në majë
dhe me gjethe të mëdha mishtore në ngjyrë të
gjelbër si në të kuqe, që përdoren për lakror;
nenëz.
NENËZ
Nenë
NENORE
Familje bimësh barishtore si nena etj., me gjethe
të këmbyera e të përkundërta dhe me lule të
vogla.
NERVËZIM
Mënyra e vendosjes së dejve në një
gjethe, dellëzim
NETËR
Kopër.
Netër qeni maraskë.
NETULL
Bimë e egër barishtore dyvjeçare, që rritet
deri në një metër e gjysmë, me gjethe si të
lëpjetës, me kërcell të fortë e me lule të vogla e të
verdha në formë vileje, fijet e së cilës përdoren
për të bërë fshesa.
NEVESTËR
Ferrënuse.
NËNPETËL
Secila nga gjethëzat, zakonisht të blerta, që
përbëjnë kupën e lules, sepal.
NËNQINGJE
Mendër e butë, dhiozmë.
NËNTËSHËM
Që është vendosur nën diçka.
NGASJE
Prrall.
NGJITËS
1.Bimë barishtore që rritet ndër ara e nëpër
gjerdhe, me kërcell të hollë e të gjatë si të
kulprës, me gjethe të çara e me gjemba, që të
ngjiten pas trupit, dhe me lule të bardha në të
gjelbër, që lëshojnë disa fara të murrme.
2.Urth.
3.Kacavarës.
NYJË
Vendi i fryrë i një dege a kërcelli prej nga
shpërthejnë gjethet; pjesë e fryrë e trungut, nga
ku dalin degët; gdhe në një dëm a dërrasë.
No comments:
Post a Comment