FJALORI SHQIP I URIMEVE
GERMA P
PAZAR
Pazar i mbarë!
PËRGËZIM
:urime i përzemërt
Përgëzime!
PIQEM
:takohem
Mirë u pjekshim! (u pjekshim me të mira!)
PLAK
U bëftë plak! (kur lind një djalë)
PLAKEM
U plakshi e u trashëgofshi!
PLEP
U bëftë sa një plep!
PLEQËROJ
Rrofsh e pleqërofsh!
U bëfsh plak për të pleqëruar!
POGANIK
:kulaç që i thyhej fëmijës mbi kokë dhe hahej natën e tretë pas
lindjes kur i vihej emri
Në poganik të djalit!
PRAPË
:fatkeqësi,
T’u largoftë e prapa!
PRAROHET
:ndrit a shkëlqen si të jetë larë me ar
Iu praroftë dora! (i lumtë dora! pastë dorën e mbarë!)
PRIJ
Të priftë e mbara!
PUNË
Puna e mbarë!
PUSHKË
I lumtë pushka!
T'u bëftë pushka top!
Të puthsha grykën e pushkës! (të lumtë! për dikë që ka bërë një veprim heroik me pushkë)
Të vaftë pushka mbarë! (dalç faqebardhë në luftë a në ndeshje! ardhsh me fitore!)
No comments:
Post a Comment