Fjalor Muzikor V - XH
VALS
Lloj vallëzimi, që kërcehet në çifte duke u rrotulluar e
duke lëvizur këmbët tri herë në një anë e tri herë në
anën tjetër; pjesë muzikore me kohë tri të katërta,që
kërcehet në këtë mënyrë; vepër muzikore që ka këtë
ritëm. Tingujt e valsit. Kërcej (luaj) një vals. Marr një
vals.
VARIACION
Ndryshim që i bëhet një melodie a një teme
muzikore, pa prekur elementet kryesore të motivit të
saj. Variacion melodik. Temë me variacione.
VËLLIM
Shkalla e lartësisë a e intensitetit të
tingullit, fuqia e zërit.
VLERË
Zgjatja relative e një note, e një pushimi a e një
toni muzikor. Vlera e notave. Ka vlerën e dy notave (e
një pushimi).
VOKAL
Që ka të bëjë me këngën; që këndon; që është krijuar
për t'u kënduar; zanor. Muzikë (romancë) vokale.
Solist vokal. Kompleks vokal. Interpretim vokal. Arti vokal.
XHAZ
1. Lloj orkestre e përzier, që ka kryesisht vegla frymore
e me goditje dhe që luan pjesë të lehta. Orkestër xhazi.
2. Daulle me disa tambure, të cilave u bien me shkopinj.
I bie xhazit.
No comments:
Post a Comment