FJALOR KUZHINE GERMA B

FJALOR KUZHINE GERMA B

Index

BACARAK

Lakror që bëhet me miell misri dhe me presh, me hithra ose me lakra të tjera. 

Bacarak me presh (me lakra).

BESHAMEL 

Salcë e trashë, që bëhet me vezë, me qumësht, me miell e me gjalpë; salcë 

qumështi. Pure patatesh me beshamel.

BIBISH 

Gjellë e gatuar me domate, me oriz dhe me qepë të skuqura; një lloj buranie.

BIFTEK 

Thelë mishi nga brinjët e viçit a të kaut, e pjekur në skarë ose në furrë. Biftek i 

skarës (i furrës). Biftek viçi.

BISBIQ  

Kulaç që bëhet me miell misri të situr hollë, me qumësht dhe me gjalpë.

BONJËRI 

Gjë e mirë në të ngrënë, gatesë shumë e shijshme; ëmbëlsirë.

BROBULL

Lloj ëmbëlsire si petull e vogël, që gatuhet me miell, me vezë e me kos, skuqet 

në vaj të nxehtë dhe vihet në shurup.

BRUMANIK 

Byrek që bëhet me brumë të ardhur, me vezë, me gjalpë e me qumësht.

BRUSHTULL  

Ëmbëlsirë që bëhet me miell gruri, të gatuar e të rrahur shumë me gjalpë dhe 

që, pasi piqet në furrë, del palë-palë a fije-fije e kripet me sheqer (në disa 

krahina i hedhin edhe pekmez ose mjaltë me arra të shtypura). Brushtull me 

mjaltë. 

BUDING 

Ëmbëlsirë si krem, që gatuhet me niseshte, me qumësht, me sheqer, me vezë 

dhe me kakao, me vanilje etj. Buding me lëng frutash (me stafidhe, me arra). 

Buding karotash. Buding për fëmijë.

BUKAFEC 

Lakror i bërë me brumë të ardhur lakror i mbrumë.

BUKËVALE

Bukë e thërrmuar, e përvëluar me ujë të valë, me vaj ose me gjalpë dhe 

e përzier zakonisht me djathë; gatesë me miell misri të përzier me djathë, që 

përvëlohet me gjalpë; valë, papare. Bukëvale me djathë të njomë. 

BUMBAR

Gjellë që bëhet me të brendshmet e bagëtive: zorrë të mbushura me mëlçi, 

erëza etj. e të pjekura në hell a në furrë ose plëndës i mbushur me oriz, me 

copëza mëlçish e me rrush të thatë; kukurec, qofte me oriz.

BURANI

Gjellë që bëhet me spinaq a me barishte të tjera të grira dhe me oriz. Burani me 

spinaq (me presh, me qepë, me lakra). Burani me hudhra. Burani me kos. 

Mish me burani.

BYREÇKË 

Byrek i vogël në trajtë katrori a trekëndëshi. Byreçka me djathë (me mish, me 

qepë).

BYREK 

Gatesë me petë të holluara një nga një e të ndera në tepsi, që mbushet brenda 

me mish të grirë ose me djathë, me vezë, me presh, me spinaq etj. dhe që piqet 

në furrë. Byrek me mish (me djathë, me vezë, me lakra, me kungull). Byrek 

me mollë.

BYREKSHEQER 

Ëmbëlsirë, që bëhet zakonisht me miell misri, të përzier me gjalpë e me sheqer, 

të nderë në tepsi e të pjekur në furrë.

Index

FJALOR KUZHINE