FJALOR KUZHINE GERMA M

FJALOR KUZHINE GERMA M

Index

MAJONEZË 
Salcë si krem që bëhet me të verdhën e vezës të rrahur me vaj ulliri e me lëng
limoni a me uthull. Majonezë e trashë (e hollë). Peshk me majonezë. Sallatë
me majonezë.

MATUR
Ëmbëlsirë e përgatitur me miell, sheqer, gjalpë ose vaj dhe me ujë në të njëjtën
masë, që, pasi zihet, shtrohet në tepsi dhe piqet në furrë a në saç.

MAZË
Gatesë e përgatitur me miell misri të skuqur në gjalpë e me ujë të valë,
së cilës i shtihet edhe djathë ose mjaltë.

MBUSHJE
Iç.

MBUSHUR
Që është gërryer e pastruar nga brenda dhe i është shtënë në zbrazëtinë e krijuar
mish, oriz, erëza etj. Domate të mbushura. Patëllxhanë (speca, kunguj) të mbushur.

MESNIK
1. Byrek me copa mishi e me petë të pjekura në mes.
2. Tavë e përgatitur me të brendshmet e berrave dhe me oriz; gjellë me mish e
me oriz.

MEZE
Ushqim i thatë me gjëra të kripura, si qofte, djathë, sallam, mëlçi, ullinj,
vezë të ziera, sallatë etj., që shtrohet e hahet gjatë pijes, zakonisht para buke.

MËMËLIGË
Gatesë me miell misri, që përgatitet duke e zier dalëngadalë në ujë të valuar e
duke e trazuar deri sa të trashet dhe pastaj përvëlohet zakonisht me gjalpë;
përvëlak, bishtalug, kaçamak. Mëmëligë misri. Mëmëligë me gjalpë.

MUSAKA 
1. Gjellë që bëhet zakonisht me patate e me mish të grirë, me qepë, me erëza e
me vezë dhe që piqet në furrë. Musaka me patate. Musaka me patëllxhanë.
2. përd. mb. Që gatuhet zakonisht me mish të grirë, me qepë, me erëza e me
vezë dhe që piqet në furrë. Patate (kungulleshka, patëllxhanë) musaka.

Index

FJALOR KUZHINE