Fjalor gjeografie
T - ZH
TAJFUN
Ciklon tropikal me fuqi
shkatërruese të madhe, që fryn kryesisht në muajt gusht-shtator në Oqeanin
Indian dhe në pjesën perëndimore të Oqeanit të Qetë; tufan i fuqishëm që fryn
gjatë gjithë bregdetit të Azisë Juglindore. Tajfun i tmerrshëm. Zhvendosja e
tajfunit. Shpërtheu (fryu) një tajfun.
TAJGË
Brez pyjesh të dendur me drunj
halorë, që shtrihet në veri të Amerikës, të Evropës dhe të Azisë, poshtë zonës
së tundrës.
TROPIK
Secili nga të dy brezat e
vegjël të rruzullit, që janë paralel me ekuatorin dhe që ndodhen në një largësi
prej 23° 27' në veri e në jug të tij; zona e rruzulli tokësor që shtrihet
ndërmjet këtyre dy brezave. Tropiku i Gaforres (i Veriut). Tropiku i Sqapit (i
Jugut). Zona e tropikut. Dielli i tropikut.
TUNDËR
Tokë e gjerë pa pyje e me
bimësi të varfër në pjesën jugore të brezave arktikë, me klimë të ashpër dhe me
ngrica të përhershëm.
UJDHESË
Ishull. Ujdhesa e Sazanit.
UJËMBAJTËS
Që mban ujë, që ka sasi të
madhe uji. Shtresë (zonë) ujëmbajtëse. Pellg ujëmbajtës.
UJËNDARËS
Që ndan rrjedhjen e ujërave të
lumenjve në dy anë të ndryshme, që ndan pellgjet rrjedhjes së dy lumenjve. Vijë
ujëndarëse. Vargmal ujëndarës.
UJËNDARËSE
Kreshtë, majë ose rrafshnaltë,
që ndan pellgjet e rrjedhjes së dy lumenjve në drejtime të ndryshme.
ULTËSIRË
Fushë a vend i hapur, që
shtrihet jo më lart se dyqind metra mbi nivelin e detit; vend i ulët. Ultësirë e
madhe. Ultësirë bregdetare. Ultësira e
Adriatikut.
VARGMAL
Varg malesh që kanë pothuaj të
njëjtën lartësi dhe shtrihen në të njëjtin drejtim. Vargmale të larta. Majat e
vargmaleve. Kaloi vargmalin.
VERI
Pika e horizontit që është
përkundrejt jugut, drejtimi në të kundërtën e jugut, ana që është në të majtë
kur kthehemi me fytyrë nga lind dielli. Poli i Veriut.
VERIOR
Që gjendet në veri të diçkaje;
që është i viseve, të cilat ndodhen në veri; i veriut. Gjysmërruzulli Verior.
Tropiku verior. Gjerësi gjeografike veriore, largësia e një vendi nga Ekuatori në drejtim të Polit të Veriut.
VIJË
Vija e horizontit. Vija e
ekuatorit.
VULLKAN
Grykë e madhe e hapur,
zakonisht në majë të një mali, nga e cila dalin prej thellësisë së tokës gazra
të nxehtë, tymra e lavë. Vullkan i
shuar. Vullkan veprues (aktiv). Grykë vullkani. Krateri i vullkanit. Shpërthen
(shuhet) vullkani. Zien si vullkan. Buçet si vullkan
ZONË
Pjesë e një brezi të Tokës që
ka klimë, lagështirë, bimësi dhe pamje
të jashtme pak a shumë të njëjtë. Zona
subtropikale e Evropës.
Fjalor gjeografie
No comments:
Post a Comment