Llojet e mjeteve D

DASH

Tra i madh me majë prej metali, që përdorej si

mjet për të shpuar muret e kështjellave a për të

shpërthyer portat e tyre.

DRITË

Burim ndriçimi që e bën mjedisin përreth të ndritshëm

e të dukshëm, çdo mjet që përdoret për të ndriçuar.

DRY

Mjet prej metali, me trajta e me përmasa të ndryshme,

me një hallkë të harkuar, që hapet e mbyllet me çelës

dhe shërben për të mbyllur një derë, një dollap, një arkë

etj.; kyç varës.

DUSH

Mjet i posaçëm për të larë trupin, që e lëshon ujin si

shi nëpërmjet një hinke të mbyllur me vrima të dendura;

kthinë e veçantë ku është vendosur ky mjet.

DENDËSIMATËS

1. Aparat i posaçëm që shërben për të përcaktuar

dendësinë e rrymës elektrike.

2. Aparat i posaçëm që shërben për të matur dendësinë

e një lëngu.

DENDURIMATËS

Aparat i posaçëm që mat dendurinë e lëkundjeve të një

trupi, të luhatjeve të rrymës elektrike etj.

DËGJIMOR

Që shërben për të dëgjuar, që jep mundësi të

dëgjohet mirë diçka. Aparat dëgjimor.

DËRGUES

Aparat a mjet i posaçëm që shërben për të

dërguar në largësi një sinjal etj.

DINAMOMETËR

Aparat që shërben për të matur intensitetin e forcës;

forcëmatës. Dinamometër elektrik. Dinamometër dore

DISPEÇER

Aparat automatik që bën punën e këtij tekniku.

Dispeçer automatik.

DISTILUES

Aparat i posaçëm që shërben për të distiluar.

DREJTUES

Pajisje a aparat që kthen rrymën e

ndryshueshme në rrymë të vazhduar.

DRIDHJEMATËS

Aparat që mat dridhjet a lëkundjet mekanike të

makinave, të ndërtesave, të urave etj.

DRITËHEDHËS

Aparat a mjet që hedh

dritën në largësi të madhe. Dritëhedhës i fuqishëm.

Është pajisur me dritëhedhës.

DYLBI

Përdorëse e vogël që përbëhet nga dy gypa të

vendosur krahas njëri-tjetrit e të pajisur me thjerrëza

dhe që ndihmon për t'i parë më afër e më qartë sendet

e largëta; tejqyrë.

DALTË

Vegël prej çeliku me majë shpatuke e të mprehtë dhe

zakonisht me dorezë druri, që përdoret për të gdhendur

drurin, për të latuar gurin, për të prerë teneqenë etj.

duke e rrahur me çekiç. Daltë e ngushtë. Daltë guri.

Gdhend (latoj) me daltë.

DAMKË

Vegël e posaçme prej metali, që përdoret për të

shënuar a për të damkosur.

DAMKUES

Vegël e posaçme për damkosjen e kafshëve etj.;

damkë. E skuqi damkuesin.

DARË

Vegël e metaltë, e përbërë nga dy krahë me kokë të

harkuar, që lëvizin si gërshërë dhe shërbejnë për të

kapur e shtrënguar diçka a për të shkulur gozhdë,

dhëmbë etj. Darë e vogël (e madhe). Darë marangozi.

Darë kovaçi.

DËRSTILË

Vegël popullore prej druri, e përbërë nga disa krahë

dhe nga një rreth me lopata të gjera, që lëvizin me

forcën e ujit, përplasen njëra pas tjetrës dhe shërbejnë

zakonisht për të shkelur shajak, velenxa e vilarë prej

leshi, të punuar në avlëmend; ndërtesa ku është ngritur

kjo vegël.

DIAMANT

Vegël e posaçme, që ka në majë një copë të vogël

prej këtij guri të çmuar dhe që përdoret për të prerë

xhama; elmaz.

DIAPAZON

Vegël e vogël prej çeliku, në trajtën e potkoit e me një

dorezë, e cila kur e godasim jep tingullin e notës la.

Diapazon regjistrues.

DRAPËR

Vegël bujqësore e dorës, që përbëhet nga një presë si

hark, e dhëmbëzuar lehtë, e nga një dorezë prej druri

dhe që përdoret për të korrur të lashtat, barin etj.

Drapër gruri (misri, bari). Drapër lejlek drapër me

presë më të hapur e me bisht të gjatë. Koha e draprit

koha e të korrave.

DREDHËS

Vegël e thjeshtë prej dy copash druri të kryqëzuara,

që shërben për të tjerrë lesh, pambuk etj., çikrik për të

tjerrë; boshti për të tjerrë lesh, drugë. Dredh me

dredhës.

DRUGË

Vegël e drunjtë e avlëmendit, në trajtë vezake të

zgjatur, që mban gjepin ku është mbështjellë filli i indit;

sovajkë, mëqik; masur.

DAMIXHANË

Enë e madhe prej qelqi me bark të gjerë e me grykë të

ngushtë që vishet nga jashtë me një thurimë kashte ose

xunkthi për të mos u thyer dhe që përdoret zakonisht

për të mbajtur verë, raki etj.

DORAKE

Enë prej balte, prej bakri, prej qelqi etj. me një dorezë.

DORJE

1. Enë prej bakri me një dorëz e me kapak të lidhur, e

cila përdoret për të zier gjellë në vatër. Një dorje me fasule.

2. Enë balte, si shtambë e vogël me një vesh, që

përdoret për ujë. Pi me dorje.

DUARLARËSE

Enë prej qeramike, porcelani a çimentoje, e vendosur

nën një çezmë në një qoshe të dhomës, të kuzhinës etj.,

ku lajnë duart e fytyrën.

DUARLARËSE

Enë prej qeramike, porcelani a çimentoje, e vendosur

nën një çezmë në një qoshe të dhomës, të kuzhinës etj.,

ku lajnë duart e fytyrën.

DYBEK

Enë e madhe prej druri, si havan i thellë, në të cilën

rrahim orizin ose grurin; shkop i gjatë me një kokë si

xhungë, me të cilin rrahim orizin ose grurin në një enë të tillë.

DËBORËPASTRUES

Borëpastrues. Makinë dëborëpastruese.

DËRRMUES

Që e bën diçka copa-copa të vogla, që e dërrmon;

thërrmues. Makinë dërrmuese.

DINAMO

Makinë që shndërron energjinë mekanike në energji

elektrike, gjenerator elektrik. Dinamo dore. Dinamo

automobili (biçiklete). Dinamo me rrymë të

vazhdueshme (me rrymë të pandryshueshme).

DISTRIBUTOR

Mekanizëm i vogël në një makinë, që shërben për të

shpërndarë rrymën elektrike nëpër cilindrat, sipas

radhës së punës së motorit. Distributori i makinës.

Boshti i distributorit.