GARNIZON
1. Tërësia e
trupave që vendosen në një qytet për të
siguruar
mbrojtjen e tij.
Garnizoni i qytetit.
Forcat e garnizonit. Komanda e
garnizonit.
Komandanti i
garnizonit.
2. Repart i
vogël ushtarak brenda në një qytet, që ka si
detyrë të
mbikëqyrë disiplinën dhe rregullin e shërbimit
të brendshëm
të ushtarakëve; komanda dhe ndërtesa e
këtij reparti.
Patrulla e garnizonit. Ka shërbim garnizoni.
GODIT
Shtie a
qëlloj me armë zjarri kundër dikujt a
diçkaje;
sulmoj dikë a diçka. Godit armikun. Godit me
artileri.
Godit aeroplanin me kundërajror.
GODITËS
Që shërben
për t’i dhënë goditje të befasishme
armikut, që
godet armikun me armën me mjete të tjera.
Repart
(detashment) goditës.
GODITJE
Sulm
vendimtar e i befasishëm, që i jepet
armikut me
të gjitha forcat e me të gjitha mjetet ose me
pjesën e
tyre kryesore. Goditja kryesore (vendimtare,
vdekjeprurëse).
Goditja në krahë.
GOPEDËR
Top që
hidhte gjyle të rrumbullakëta dhe mbushej nga gryka.
GRADË
Secila prej
shkallëve të hierarkisë
ushtarake;
emërtim i çdo shkalle dhe shenja dalluese e
saj (në
ushtritë që kanë shkallë të tilla). Gradë oficeri.
Gradë
koloneli. Heqja e gradave.
GRADIMI
1. Dhënia e
gradës.
2. Shkalla
në të cilën është vënë një aparat,
një
instrument, shënjestra etj. për të punuar sipas
kërkesës.
Gradimi i oficerit. Gradimi i topit. Gradimi i shënjestrës.
GRADOHEM
Marr një
gradë më të lartë se ajo që mbaja në
hierarkinë
ushtarake, hipi një gradë më lart.
GRADOJ
I jap një
gradë më te lartë nga ajo që mbante
në
hierarkinë ushtarake (në ushtritë e vendeve ku ka
grada). E
graduan kolonel.
GRADUES
Ushtar i
artilerisë, i përgatitur për gradimin e armës (të
topit, të
mortajës, të kundërajrorit etj.), të djegores së
predhës,
minës etj. Graduesi i topit.
GRANATAHEDHËSE
1. Armë
zjarri e posaçme, që hedh granata në largësi të
afërt kundër
trupave dhe mjeteve të ndryshme
luftarake,
kundër objekteve të fortifikuara etj. Ushtri e
pajisur me
granatahedhëse. U shkatërruan dy
granatahedhëse.
2. si mb. Që
shërben për të hedhur granata. Armë
(mortajë)
granatahedhëse.
GRANATË
Predhë e
posaçme, në trajta të ndryshme, e
mbushur me
lëndë plasëse dhe e pajisur me një
siguresë, që
përdor luftëtari, duke e hedhur zakonisht
me dorë, për
asgjësimin e trupave ose të mjeteve të
ndryshme të
luftimit që gjenden në largësi të vogla.
Granata
kundërtanke. Granatë dore. Hedh granata.
Plasi
granata. Me pushkë e me granata.
GROPOSEM
Vendosem në
një gropë ose hap një llogore
dhe futem
brenda për të mos u dukur ose për t'u
mbrojtur nga
predhat e armikut gjatë luftimit. Zunë
pozicionet
dhe u groposën. U groposën në llogore.
GROPOSUR
Që është
futur në llogore a në një strehim nën
tokë për t'u
mbrojtur ose për të mos u dukur. Tank i
groposur.
GRUP
Njësi
ushtarake, zakonisht në artileri, e përbërë prej
disa
baterish; batalion. Grup artilerie. Komanda e grupit.
GRUP-ARMATË
Njësi e
madhe ushtarake që përbëhet nga disa armata.
Grup-armata
qendrore.
GRUPIM
Bashkim i
përkohshëm i disa njësive ushtarake
me një
komandë të vetme për të kryer një detyrë
luftarake.
Grupim operativ. Grupim artilerie (aviacioni).
Komanda e
grupimit.
GRYKË
Pjesa e
përparme e tytës së
një arme,
vrima e tytës së një arme nga ku del predha;
tytë. Gryka
e pushkës (e topit, e çiftes). Grykë zjarri
armë
artilerie, top. Kundërajror me katër gryka.
GUSHË
Pjesa enjë
arme (e pushkës, e revoles etj.), ku
vendosen
fishekët para se të shkojnë në fole. Gusha e
pushkës (e
revoles). Ia vuri fishekët në gushë.
GJENERAL
Gradë e
lartë oficeri në forcat e armatosura tokësore e
ajrore, që
është më e ulët se e mareshalit dhe që
përfshin
disa shkallë; ushtaraku që mban këtë gradë
(në ushtritë
që kanë grada). Gjeneral brigade (divizioni,
truparmate,
armate). Grada e gjeneralit.
GJENERALISIM
Titulli më i
lartë ushtarak, që i jepet kryekomandantit të
ushtrisë së
një shteti; ai që mban këtë titull (në ushtritë
që kanë
grada); kryekomandant i ushtrive të bashkuara
(në disa
vende).
GJENERALKOLONEL
Shkalla e
tretë e gradës së gjeneralit, që i përgjigjet
asaj të
gjeneralit të truparmatës; ushtaraku që mban
këtë gradë
(në ushtritë që kanë grada).
GJENERALMAJOR
Shkalla e
parë e gradës së gjeneralit, që i përgjigjet
asaj të
gjeneralit të brigadës; ushtaraku që mban këtë
gradë (në
ushtritë që kanë grada).
GJENERALLEJTËNANT
Shkalla e
dytë e gradës së gjeneralit, që i përgjigjet asaj
të
gjeneralit të divizionit; ushtaraku që mban këtë gradë
(në ushtritë
që kanë grada).
GJITHARMËSH
Që përfshin
të gjitha llojet e armëve; që ka të bëjë me të
gjitha
llojet e armëve ose të trupave. Njësi
gjitharmëshe.
Repart gjitharmësh. Stërvitje
gjitharmëshe.
Luftim (zbulim) gjitharmësh.
GJOKSMBROJTËSE
Ledh në anën
e jashtme të llogores për mbrojtjen e
luftëtarëve
dhe të armëve. Gjoksmbrojtësja e llogores.
GJOKSORE
Lloj
gjerdani me xhepa që e lidh ushtari gjatë
gjoksit për
të mbajtur krehrat e fishekëve.
GJUAJTËS
Ushtar i
përgatitur posaçërisht për të qitur me
armë zjarri
(në disa ushtri).
GJURMËLËNËS
Që lë gjurmë
të ndritshme gjatë vijës së fluturimit.
Fishek
(plumb) gjurmëlënës. Predhë gjurmëlënëse.
GJURMUES
1. Ai që
shkon pas gjurmëve të dikujt a të diçkaje, për ta
zënë ose për
ta asgjësuar;
2. ushtar
zbulues i përgatitur, që i njeh mirë gjurmët dhe
ndjek pas
tyre armiqtë. Gjurmuesit e kufirit. Togë gjurmuesish.
HELIKOPTERMBAJTËSE
Anije e
madhe ushtarake që ka pistë për qëndrimin,
ngritjen e
uljen e helikopterëve dhe hangarë për ta.
HELIOGRAF
Aparat për
të dhënë sinjale me anë të dritës.
HENDEK
Vijë e
thellë a kanal i ngushtë, llogore.
HENDEKLIDHJE
Llogore që
lidh një hendek mbrojtës me një tjetër. Hap
hendeklidhjen.
Bashkoj (lidh) me hendeklidhje. Zë hendeklidhjen.
HEQËS
Kunj i vogël
metalik, që e mban të larguar
gjilpërën e
shkrepjes nga kapsolla; këmbëza e pushkës
që e
tërheqim me gisht. Heqësi i pushkës. Heqësi i
granatës.
Heqësi i shkrepjes. Unaza e heqësit.
Fjalor Ushtarak
No comments:
Post a Comment