Fjalori historik
GALERË
Anije e vjetër lufte prej druri, e gjatë e
me shumë rrema, që viheshin në lëvizje zakonisht nga të dënuarit me punë të
rënda. Galerë romake (bizantine). Galerë piratësh. Flota e galerave.
GARDHIM
Grabitja e tokave dhe e pronave të
fshatarëve anglezë nga fisnikët dhe rrethimi i tyre me gardh në periudhën e
grumbullimit fillestar të kapitalit. Gardhimet e rrënuan fshatarësinë angleze.
GLADIATOR
Skllav ose rob lufte me trup të fuqishëm,
që në Romën e vjetër e mbanin dhe e stërvitnin posaçërisht për ta vënë të
përleshej për vdekje me skllevër a me robër të tjerë ose me kafshë të egra në
arenën e cirkut. Shpatë gladiatori. Ndeshjet e gladiatorëve. Kryengritjet e
gladiatorëve.
GOTË
Fis i vjetër gjerman. Gotët e Lindjes (e
Perëndimit).
GOTISHTE
Gjuhë e grupit gjermanik, që flitej nga
gotët, gjuha e gotëve.
GRADISHTË
Qytezë; rrënojat e një qyteze.
GREKOMAN
Ai që nën ndikimin e shkollës e të kishës
greke kishte humbur ndjenjat atdhetare dhe përkrahte politikën e propagandën
shoviniste greke (sidomos në shek. XIX).
GUR
Koha (periudha, epoka) e gurit hist.
periudha e hershme e shoqërisë njerëzore, kur njerëzit përdornin vegla prej
guri.
GURËHEDHËS
Armë e vjetër për të hedhur larg gurë të
mëdhenj.
GJINI
Grup njerëzish me lidhje gjaku e me
prejardhje nga një paraardhës i përbashkët, që ishte njësia ekonomike e
shoqërore bazë në komunitetin primitiv. Gjini amtare. Gjini atërore. Lidhjet e
gjinisë. Anëtarët e gjinisë. Emri i gjinisë. Plaku i gjinisë.
GJINOR
Që ka të bëjë me gjininë, i gjinisë; që
lidhet me periudhën kur njësia bazë e shoqërisë ishte gjinia. Rendi gjinor.
Bashkësia gjinore. Shoqëria gjinore. Lidhje (marrëdhënie) gjinore. E drejta
gjinore.
GJOKSORE
Parzmore.
GJUNJËSE
Pjesë e pajimit të luftëtarëve në kohët e
vjetra, që mbronte gjurin nga goditjet me armë të ftohta.
GJYSMATAR
1. Secili nga të dy bujqit e varfër, që
vinin në zgjedhë nga një ka për të punuar me radhë arat e veta; sembër.
2. Fshatar pa tokë, që ishte i detyruar të
punonte tokën ose të ruante e të kulloste bagëtinë e një pronari dhe t'i jepte
atij gjysmën e prodhimit.
GJYSMATARI
Formë për shfrytëzimin e fshatarëve pa
tokë, që ishin të detyruar t'i jepnin gjysmën e prodhimit pronarit, nga i cili
merrnin tokën ose bagëtinë me qira. Sistemi i gjysmatarisë.
Fjalori historik
No comments:
Post a Comment