Lloje aparatesh Gj

GJERGJEF

Mjet për të qëndisur, në trajtë të një kornize ose të dy

rrathëve, që hyjnë të puthitur njëri në tjetrin, ku ndehet

e shtrëngohet pëlhura që qëndiset. Qëndis (punon) me

gjergjef. Vë në gjergjef. Heq nga gjergjefi.

GJYSMËPËRÇUES

Lëndë me përçueshmëri elektrike të dobët ndërmjet

përcjellësve dhe izoluesve; përçues prej kësaj lënde që

përdoret në aparate të ndryshme.

Aparat me gjysmëpërçues.

GJENERATOR

1. Makinë që shërben për të prodhuar rrymë elektrike,

duke shndërruar në energji elektrike një energji tjetër.

Gjenerator elektrik. Gjenerator i rrymës së

vazhdueshme. Vendos një gjenerator.

2. Pajisje e posaçme që shërben për prodhimin e

valëve ose të lëkundjeve me qëllime të ndryshme.

Gjenerator sinjalesh. Gjenerator i zërit. Gjenerator me

frekuencë të lartë.

3. Aparat që shërben për të shndërruar lëndën djegëse

në gaz të djegshëm, gazogjen.

GJYSMËHËNË

Vegël në trajtën e draprit të hënës.

GJYSMUNAZË

Vegël a pjesë e një mekanizmi që ka trajtën e

gjysmës së unazës.

GJEP

Enë me grykë të ngushtë e me lëfyt të hollë; ibrik.

GJYM

Enë bakri a llamarine, me fund të gjerë e me grykë të

ngushtë dhe me një vjegë, që përdoret zakonisht për të

mbajtur ose për të valuar ujin. Gjym i madh (i vogël).

Gjym bakri (llamarine). Gjym kafeje. Gjymi i zjarrit.

Mbush gjymin në krua.