Lloje aparaturash G

GATUESE

Mjet për të gatuar a për të ngjeshur brumin. Gatuese

brumi brumëgatuese.

GRACKË

Mjet i ndërtuar në mënyra të ndryshme, që përdoret

për të zënë kafshë të egra, zogj, minj etj.; kurth, çark.

GREP

Copë e vogël teli të fortë, me majë të mprehtë si

shigjetë e të kthyer si grremç, që lidhet në fund të një

spangoje a filli tjetër të hollë dhe përdoret si mjet për të

zënë peshk. Grep çeliku. Grep me një majë (me dy

maja). Si grep. Peshkoj me grep.

GRREMÇ

Copë hekuri me majë të kthyer, që shërben për të

kapur a për të varur diçka, kanxhë; kërrabëz e vendosur

në mur, ku varen sende të ndryshme; pjesë e vogël, e

mbetur në një dru nga një degë e hollë që është këputur.

GURTH

Mjet i thjeshtë i ndërtuar me dy rripa të vegjël

dërrase, të mbërthyer kryq, që përdoret për të dredhur fije peri.

GALVANOMETËR

Aparat që shërben për të matur fuqinë e rrymave të

dobëta elektrike. Galvanometër shkollor. Galvanometër

me pasqyrë.

GAZMATËS

Aparat për të matur sasinë e gazit të harxhuar për

ngrohje, për ndriçim etj.

GAZOGJEN

Aparat për të prodhuar me karbit një lloj gazi që

përdoret për ngjitjen e metaleve; aparat në të cilin një

lëndë djegëse e ngurtë kthehet në gaz nëpërmjet

djegies së pjesshme e të ngadaltë. Përdorimi i

gazogjenit. Motor me gazogjen.

GAZHEDHËSE

Aparat i posaçëm për të hedhur a për të lëshuar gaz në

rast lufte.

GRAMAFON

Aparat për riprodhimin e muzikës a të tingujve me disqe.

Pllaka gramafoni. Gjilpëra gramafoni. Koka e

gramafonit. Radio me gramafon. Vë (dëgjoj)

gramafonin.

GRUMBULLUES

Aparat që shërben për grumbullimin e diçkaje;

pjesë e një mekanizmi a makinerie që grumbullon diçka.

Grumbullues energjie. Grumbullues i gazrave (i avullit).

Grumbullues kashte.

GARRAVARRE

Përdorëse e përbërë nga një bisht i gjatë prej druri me

një copë dërrasë në trajtë trekëndëshi të mbërthyer

pingul në majë, që shërben për të nxjerrë hirin nga

furra, për të mbledhur plehrat etj. duke e hequr zvarrë.

Mbledh me garravarre.

GAZOMETËR

Enë a pajisje laboratorike e mbushur pjesërisht me

ujë, në të cilën prodhohet ose grumbullohet e ruhet gazi

dhe matet sasia e tij.

GYP

Cilindër prej metali, prej qelqi, prej çimentoje etj. me

përmasa të ndryshme, i zbrazët përbrenda dhe i hapur

nga të dyja anët ose nga njëra anë, që përdoret si mjet

a si pajisje në mekanizma e aparate të ndryshme për të

kaluar lëngjet, gazet, avujt etj.; pajisje e tillë me këtë

trajtë; tub. Gyp i drejtë (i kthyer). Gyp uji. Gyp sobe.

Gypi i gazeve. Gyp xhami (teneqeje, llastiku). Gypi i

teleskopit. Gypi i llambës.

GANË

Vegël metalike në trajtën e një lugu me majë të

mprehtë, që përdoret për të gërryer a për të gdhendur

drurin; gërryes druri.

GARDHËNOR

Vegël dore, e kthyer si drapër dhe me majë të

mprehtë, që shërben për të hapur vanat e fuçive, të

bucelave etj. Hap me gardhënor.

GDHENDËS

Vegël me teh të mprehtë (daltë etj.) që përdoret për

të gdhendur diçka; mjet gdhendës.

GËRHANË

Vegël e thjeshtë prej druri që ka dy furça të mëdha

me dhëmbë të metaltë e që përdoret për të krehur a për

të shkrifur leshin; secila prej këtyre furçave; krehër leshi

a liri. Gërhanë leshi (liri). Dhëmbët e gërhanës.

GËRMESË

Vegël për të gërmuar.

GËRSHËRË

Vegël e përbërë nga dy krahë të mprehtë çeliku, që

lëvizin të kryqëzuar rreth një boshti të përbashkët për të

prerë pëlhurë, letër, llamarinë etj. ose për të krasitur

pemët. Gërshërë e vogël (e madhe). Gërshërë flokësh.

Gërshërë rrobaqepësish. Gërshërë thonjsh. Gërshërë për

krasitje. Gërshërë për prerjen e metalit. Dorezat e gërshërës.

GËRRESË

Vegël metalike, me një dorëz a bisht druri, që

shërben për të gërryer a për të kruar diçka; gërryes.

GËRRYES

Vegël që përdoret si mjet për të gërryer diçka. Gërryes

druri (guri, metali). Gërryes dheu. Gërryes kungulli

rende.

GOMAREZ

1. Vegël e tezgjahut në trajtë bige, së cilës i vihet

përsipër një peshë (zakonisht një gur), që shërben për

të mbajtur të tërhequra fijet gjatë endjes, kur i mbledhin

në shul; branë.

2. Këmbalec druri, mbi të cilin mbështeten drutë për t’i

prerë a për t'i sharruar. Bëri një gomarez. Sharron

drurin në gomarez.

GONE

Vegël në trajtën e një këndi të drejtë ose të një

trekëndëshi kënddrejtë, që e përdorin muratorët për të

mbajtur drejtimin e qosheve të murit ose zdrukthëtarët

për të shënuar kënde a vija të drejta etj. Gone hekuri

(druri). Merr drejtimin me gone.

GOZHDAR

Vegël e hekurt për të bërë gozhdë.

GRABUJË

Vegël bujqësore me dhëmbë metalikë të kthyer dhe me

një bisht të gjatë prej druri, që shërben për të mbledhur

barin, kashtën etj.; krehër, dhëmbës. Mbledh me

grabujë (barin, kashtën, gjethet).

GAVETË

Enë e vogël prej alumini që përdoret nga ushtarët për të

ngrënë ushqimin kur janë në fushim. Gavetë ushtarake.

GAVIÇ

Enë e madhe prej druri ku hidhen kokrrat e rrushit, të

kumbullës etj. për t'i shtypur për verë a raki, koritë

rrushi;. Kade bulmeti. Gaviçi i rrushit. Gaviçi i djathit.

GAZANIK

Enë prej teneqeje për të mbajtur vajguri.

GËRRUALL

Enë e drunjtë si kade, që është bërë nga trungu i një

lisi të gërryer përbrenda dhe që përdoret për të mbajtur

drithë, miell etj.

GOBELLË

Enë e madhe për ujë; vedër e madhe.

GOTË

Enë e thellë prej qelqi, prej kristali etj., zakonisht në

trajtë cilindrike e pa dorezë, që përdoret për të pirë ujë,

verë etj.; një enë e tillë e vogël, shpesh edhe me një

fron, e cila përdoret për pije të ndryshme të forta (për

raki, konjak etj.); sasia e ujit a e pijes etj. që nxë kjo

enë.

GOVATË

Enë e madhe, jo shumë e thellë prej druri, prej llamarine

etj., me fund të sheshtë, që përdoret kryesisht për të

larë rroba; enë e tillë prej druri që përdoret për qëllime

të ndryshme (për t'i hedhur ushqim bagëtisë, për të

mbajtur llaç etj.).

GRYKJE

Enë uji me grykë të lartë e të ngushtë.

GËRMUES

Makinë gërmimi.

GËRSHETUES

Që thur diçka në trajtë gërsheti, që gërsheton fijet.

Makinë gërshetuese.

GËRRYES

Që ka vetinë të gërryejë; që përdoret për të gërryer

diçka; që gërryen. Lëndë gërryese. Mjet gërryes.

Makinë gërryese. Veti gërryese. Veprim gërryes.

GRIRËS

Makinë që shërben për grirjen e duhanit, të mishit, të

silazhit etj.; havan i posaçëm për të grirë duhanin.

Grirëse duhani. Grirëse mishi. Grirëse frutash. Grirëse silazhi.

GURTHYESE

Makinë për thyerjen a për copëtimin e gurëve.