Lloje enesh Rr

RRAHÇË

Mjet peshkimi më i vogël se vallkoi me një hinkë prej

rrjete në grykë, që përdoret sidomos në kohën kur

rrihen peshqit. Zë peshk me rrahçë.

RRETH

Mjet peshkimi në trajtë të një cilindri të

hapur, të mbërthyer në një shkop, që e tërheqin në ujë

duke qëndruar në lundër.

RRËSHQITËSE

Mjet për të bartur njerëz e sende, i ndërtuar prej dy

drurësh anësorë të lëmuar ose me një rrip hekuri nga

poshtë dhe me një shtresë të mbërthyer përsipër, që

tërhiqet zakonisht nga qentë a nga kuajt e rrëshqet mbi

dëborë ose mbi tokë të rrafshët; lodër fëmijësh e

ndërtuar në këtë trajtë, me të cilën rrëshqasin nga lart

mbi dëborë; sajë.

RRJETË

Mjet i punuar me fije të holla, të thurura rrallë në

mënyrë të rregullt, me trajta e përmasa të ndryshme, që

përdoret për të kapur peshq, shpendë, insekte etj.

Rrjetë peshkimi. Rrjetë për të kapur zogj (flutura).

RREGULLUES

Pajisje ose aparat që shërben për ta bërë një

mekanizëm a një mjet tjetër të punojë sipas një rregulli

të caktuar. Rregullues automatik. Rregullues i ndriçimit

(i zërit). Rregullues i shpejtësisë (i nxehtësisë).

Rregullues i ajrit (i gazit).

RREZATUES

Pajisje e posaçme ose trup

që lëshon rreze drite a energjie, të cilat përdoren për

një qëllim të caktuar. Rrezatues i fuqishëm. Rrezatues

drite (zëri).

RROTË

1. Rreth prej druri a prej metali me spica ose i plotë nga

brenda, zakonisht i veshur nga jashtë me rrip metalik a

me gomë, që mbërthehet në një bosht dhe që

rrotullohet për të vënë në lëvizje një mjet, i cili ecën mbi

tokë. Rrota e parme (e prapme). Rrotë druri (gome,

metali). Rrotë qerreje (karroce, biçiklete, makine).

Rrotat e trenit. Rrotat e topit (e mitralozit). Motoçikletë

me dy (me tri) rrota. Karrige (krevat) me rrota. Rrethi

(boshti) i rrotës. Rrezet (spicat) e rrotës.

2. Rreth i plotë nga brenda ose me rreze, që vihet në

një bosht dhe që rrotullohet për të përcjellë lëvizjen në

një mekanizëm a në një pajisje ose për qëllime të tjera.

Rrotë e dhëmbëzuar. Rrotë drejtuese. Rrotë

transmisioni. Rrotë mulliri. I vë (i heq, i ndërroj) rrotën.

RROTOVILE

Pajisje e thjeshtë, e cila ka një rrotë të rrafshët që

rrotullohet me këmbë dhe shërben për të bërë shtamba

e poçe prej balte; çarku i poçarit.

RRUFEPRITËS

Pajisje e përbërë prej një shufre me majë prej metali të

qëndrueshëm, e cila vihet në kulmin e një ndërtese, të

një oxhaku, të një anijeje etj. për t'i mbrojtur nga goditjet

e rrufeve, duke e shkarkuar rrymën nëpër një fill të

tokëzuar. Rrufepritësi i shtëpisë (i oxhakut). Shtylla e

rrufepritësit. Maja e rrufepritësit. Rrezja e rrufepritësit.

Vendosi një rrufepritës.

RRAHËS

1. Dru shpatuke me dorezë që shërben për të rrahur

rrobat kur i lajmë; kopan, pallë; mjet i ngjashëm prej

thuprash të holla, prej xunkthi të thurur, prej plastike

etj., që shërben për të rrahur rrobat, qilimat etj. e për t'u

shkundur pluhurin.

2. Mjet, vegël a pjesë e një mekanizmi që shërben për

të rrahur, për të thërrmuar a për të goditur diçka.

Rrahësi i pushkës (i pistoletës). Rrahësi i tundësit.

Rrahës dere trakullore, çoku i portës. Rrahësi i

kambanës gjuhëza e kambanës, rrumbi. Rrahës drithi.

Rrahës hudhrash havan hudhrash. Rrahës mishi.

Rrahës vezësh (qumështi, kremi).

RRËSHQITËS

Vegël ose pjesë e një mekanizmi, që punon duke

rrëshqitur para e prapa në një lug ose mbi një

sipërfaqe. Rrëshqitësit e tornos.

RROTULLUES

Vegël ose mekanizëm që shërben për të rrotulluar

diçka. Rrotullues i purtekave. Dhëmbëzat e rrotulluesit.

RRASHTË

Enë e përdorur a e thyer në një cep, që shërben për

të mbajtur sende të ndryshme; garraç.

RRAFSHUESE

Që shërben për të rrafshuar tokën. Makinë rrafshuese.

RRËNJËSHKULËS

Makinë për shkuljen e rrënjëve të drurëve, të cilat

mbeten në tokë. Traktor me rrënjëshkulës.

RRËSHINIM

Makinë rrëshinimi, makinë që pret në riska.

RRISKIM

Makinë rriskimi, makinë që pret anët e librave, fletoreve etj.

RROBALARËSE

Makinë për larjen e rrobave. Rrobalarëse automatike.

RROJË

Makinë rroje.

RRUES

Makinë rruese